भारतमातेचे साहसी सुपुत्र, माजी लष्करप्रमुख जनरल अरुणकुमार वैद्य यांचा आज (२७ जानेवारी) जन्मदिन. त्यांच्या स्फूर्तिदायी स्मृतींना मानाचा सलाम.
रायगड जिल्ह्यात १९२६मध्ये जन्मलेले वैद्य लष्करात अधिकारी म्हणून रुजू झाले. आपल्या कर्तृत्वाने पदोन्नती मिळवत लष्करप्रमुख बनले. १९८४च्या जूनमध्ये तेव्हाच्या पंतप्रधान इंदिरा गांधी यांच्या आदेशानुसार ‘ऑपरेशन ब्ल्यू स्टार’ पार पडले. त्यात खलिस्तानी अतिरेकी भिंद्रनवाले याला ठार मारण्यात आले.
याचा प्रतिशोध म्हणून जिंदा या अतिरेक्याने निवृत्तीचे जीवन व्यतीत करणाऱ्या जनरल वैद्य यांची पुण्यात १० ऑगस्ट १९८६ रोजी हत्या केली.
जनरल वैद्य धारातीर्थी पडले; पण अमर झाले.
- भारतकुमार राऊत
